Уй шароитида грипни даволаш

Йўтал, грипп ва бошқа касалликларга чалинмаслик учун иммунитетни доим соғлом ҳолатда ушлаб туриш кераклиги ҳеч кимга сир эмас. Аммо қандай қилиб?

Иммунитетни оширишнинг табиий усуллари

Иммунитетга ёрдам беришнинг энг асосий қоидаси овқатланиш рационидан рафинадланган маҳсулотларни минималлаштириш ва шакарни рациондан умуман чиқариб ташлашдир.

Ферментланган маҳсулотлар умумий иммунитетни жуда яхши оширади. Иммунитет яхши ишлаши учун озуқа тизимимизда оқсил, рух (цинк) етарли бўлиши керак. Оқсиллар фойдали ёғлар билан бирга ейилиши тавсия қилинади. Оқсил манбалари: соғлом ҳайвон гўшти, тухум, ловия ва дуккаклилар, ёнғоқлар. Рух (цинк)га энг бой озуқалардан бири бу қовоқ уруғидир.

Умумий қилиб айтилса, иммунитет учун фойдали умумий соғлом овқатланишда етарли миқдорда сифатли оқсил, фойдали ёғлар, кўпгина сабзавотлар, ферментланган маҳсулотлар ва минимум табиий шира бўлиши керак. Ҳатто табиий ширин меваларни ҳам ҳаддан ортиқ кўп ейиш тавсия қилинмайди. Рафинадланган шакар эса умуман тавсия қилинмайди. Етарли қуёш, нормал уйқу, баданни чиниқтириб бориш ҳам муҳим.

Бетобланган инсон овқат егиси келмаса, мажбурлаш керак эмас.

Йўталга қарши табиий муолажалар (ёки йўтални уй шароитида даволаш)

Қуйидаги йўталга қарши табиий усуллар ҳомиладор аёллар учун ҳам ҳавфсиз ҳисобланади.

1. Бир чой қошиқ райҳон барглари ва асал аралашмаси пастаси ейилади. Альтернатив равишда райҳон баргларидан чой дамланиб, илиқ чойга асал қўшиб ичса бўлади. Райҳон ҳомиладорликда мумкин ва фойдали, аммо уни жуда кўп миқдорда истеъмол қилиш мумкин эмас.

2. Сабзавот ва пиёзли товуқ шўрваси тезроқ тузалишга ёрдам беради.

3. Саримсоқли лимонад рецепти. 2 бош саримсоқни майдаланг ва 1 литрли шиша идишга солинг. Шиша идишни қайноқ сув билан тўлдиринг ва қопқоғини ёпиб, 30 дақиқага қолдиринг. Сўнгра сувни сузиб олинг, саримсоқларни олиб ташланг ва сузилган сувга 1 дона лимон сувини сиқиб солинг. Таъбга кўра табиий асал билан ширинлаштиринг (шакар мумкин эмас). Илиқ ҳолда ичинг. Бу рецепт 1 ёшдан ошган болалар учун ҳам ҳавфсиздир.

Читайте также:  Гепариновая мазь для вен на ногах

4. Занжабилли чой. Бир ош қошиқ янги қирилган занжабил устидан 1 стакан қайноқ сув қуйилади, усти ёпилиб, 10 дақиқага қолдирилади. Сўнгра таъбга кўра табиий асал ва лимон солинади. Иссиққа яқин илиқ ҳолатда ичилади. Ҳомиладорлар ва эмизикли оналарга кунига 2 стакангача мумкин. Қолганларга кунига 4 стакангача мумкин.

5. Олтин сут рецепти. Озгина сувда (1/4 стакан) 0.5 чой қошиқ куркума (turmeric) ва 0.25 чой қошиқ мурч, истасангиз бироз янги қирилган занжабил (ginger, имбирь) солиб, 3 дақиқа қайнатасиз. Кейин 3/4 стакан ёғли сут қўшилиб қайноғига етказилади. Тайёр бўлгач, бироз сарёғ қўшилса яна ҳам фойдали бўлади. Пропорцияларни таъбингизга қараб ўзгартиринг, аммо куркума ва мурчни доим бирга солинг. Куркума мурчсиз яхши ўзлашмайди. Куркума ва мурчли сут иммунитетни жуда яхши кўтаради ва бу аралашманинг организмга бошқа жуда кўп ижобий таъсирлари ҳам бор.

6. Қизил пиёз ва асал сиропи. Пиёзни пўстидан тозалаб, пастки қисмидан бошлаб горизонтал равишда кесиб чиқинг. Ҳар бир кесилган қисмга табиий хом асал суртинг ва қисмларни устма уст жойланг. Идишни ёпиб, хона ҳароратида 12-15 соатга қолдиринг. Кейинги кун идиш тагига таҳминан 1 стакан сироп ажралиб чиққан бўлади. Бу сироп йўтални осонлаштиради, иммунитетни оширади. Табиий асалнинг кунлик дозаси 1 ош қошиқ бўлгани учун жуда кўп истеъмол қилинмаслиги керак. Сиропдан пиёз мазаси келмайди.

7. Кўп суюқлик ичилади. Наъматак дамламаси (шакарсиз) тавсия қилинади. Янги сиқилган мева ва сабзавот сувларига 1/4 қисм сув қўшиб ичса бўлади. Тайёр соклар, газли ичимликлар мутлақо тавсия қилинмайди.

8. Бузина меваси сиропи (elderberry syrup)дан кунига 3 маҳал 1 ош қошиқдан ичса бўлади. Бузина иммунитени яхши оширади ва болалар учун ҳам ҳавфсиздир.

9. Эхинацея илдизи чойи ёки настойкаси сув билан ичилса бўлади. Эхинацея ҳам иммунитетни жуда яхши оширади ва болалар учун ҳам ҳавфсиздир..

10. Илиқ душ йўтални юмшатади.

11. Томоқни илиқ тузли сувда ғарғара қилиш ҳам яхши ёрдам беради. Илиқ сувга янги сиқилган лимон суви ва асал қўшиб томоқ ғарғара қилиш ҳам самаралидир.

12. Қайнаётган сувдан чиқаётган парни ҳидлаш. Қайнаётган сув пари ҳам қайноқ бўлишини ҳисобга олиб, эҳтиёт чораларини кўринг ва ўзингизни иссиқ пардан бироз узоқ ушланг. Куйишдан эҳтиёт бўлинг.

Читайте также:  Езда на велосипеде для похудения отзывы

13. Кўк чой. Кунига 1-2 стакан ичинг.

Gripp — virus tabiatli o’tkir infektsion respirator (nafas yo’llari) kasalligidir. Gripp virusi juda yuqumli — ya’ni, uning ko’p hollarda inson tanasiga kirishi kasallikning rivojlanishiga olib keladi. Kasallik tana haroratining ko’tarilishi bilan birga kechadi va ko’pincha 3-5 kundan umumiy holat yaxshilanadi.

Grippning alomatlari va belgilari

Intoksikatsiya natijasida hosil bo’ladigan gripp alomatlariga:

  • Juda tez (3-4 soat davomida) intoksikatsiya belgilarining o’sishi:
  • Tana haroratining ko’tarilishi — 39°C va yuqori;
  • Kuchli titroq;
  • Holsizlik;
  • Mushaklar va bo’g’imlardagi og’riq;
  • Qattiq bosh og’rig’i
  • Ko’zning yoshlanishi;
  • Yorug’likka sezuvchanlik.

Intoksikatsiya bilan birga parallel ravishda respirator alomatlar kuzatiladi:

Ba’zida qorin og’rig’i va ich ketishi kuzatiladi. Grippda yuqori tana harorati bir necha kungacha davom etishi mumkin, ko’pincha isitma tushiruvchi dorilar ta’siri natijasida pasaymaydi. Kasallik asoratlarsiz bo’lsa gripp 7-10 kun davom etadi. Bu vaqt davomida gripp alomatlari asta-sekin yo’q bo’lib ketishi mumkin, ammo umumiy holsizlik ikki haftagacha davom etishi mumkin.

Grippning shakllari

Grippning boshqa o’tkir respirator virusli infektsiyalar kabi yengil, o’rta, og’ir va juda og’ir shakllari bo’lishi mumkin. Bundan tashqari, kasallikning asoratlarsiz va asoratli shakllari farqlanadi.

Gripp rivojlanishi sabablari

Kasallikning yuzaga kelishi sabablari yuqori nafas olish yo’llari shilliq qavatini gripp viruslari tomonidan shikastlanishidir. Infektsiya (kasallik) manbai gripp bilan kasallangan odam. Kasallik yuqishining asosiy yo’nalishi havo-tomchi yo’llari: yo’talish, aksa urish, gapirish va hatto oddiy nafas olish. Lekin virus maishiy yo’l bilan yuqishi mumkin — ro’molcha, taomlar, choyshab orqali. Gripp virusi juda yuqumli.

Grippni tashxislash va aniqlash

Grippni tashxislash odatda klinik ko’rikka asoslangan. Haroratning keskin ko’tarilishida imkon qadar tezroq shifokorga murojat qilish kerak. Gripp bo’lganda shifokorning nazorati juda muhimdir, chunki bu mumkin bo’lgan bakterial asoratlarning boshlanishini o’z vaqtida aniqlash imkonini beradi. Asoratlarning paydo bo’lishi haroratning qayta ko’tarilishi, yo’talning kuchayishi va umumiy holatning biroz yaxshilangandan keyin yana yomonlashishi kabi belgilar bilan namoyon bo’ladi va odatda kasallikning 4-5 kuniga to’gri keladi. Bu holatda qo’shimcha tahlillarni o’tkazish kerak — umumiy qon tahlili, ko’krak qafasi va sinuslar rentgenogrammasi.

Читайте также:  Почему ногти трескаются по бокам

Grippni davolash va kasallikni yengillashtirish

Grippni davolash kompleks muolajalarni talab qiladi, lekin gripp bilan kurashishda va organizmning tiklanishida immun tizim katta rol o’ynaydi va shuning uchun immunitetni rag’batlantirish chora-tadbirlarini qabul qilish zarur. To’liq dam olish, ko’p suyuqlik ichish (detoksikatsiya qilish uchun), spirtli ichimliklar va chekishni cheklash tavsiya etiladi. Ayni paytda samarali antivirus dorilar grippning davomiyligini, isitma va boshqa alomatlarini sezilarli darajada kamaytiradi. Boshqa qo’llanadigan dori vositalariga:

  • Simptomatik davolovchi preparatlar (isitmani tushiruvchi, balg’am ko’chiruvchi);
  • Immunostimulyatorlar — bunday xususiyatlar ayniqsa vitamin C da ko’p;
  • Interferon;
  • Kasallikning turli bosqichlarida virusga qarshi preparatlar;
  • Antigistaminlar.

Antibiotiklar faqat ikkilamchi bakterial kasalliklar mavjud bo’lgandagina buyuriladi, ular viruslarga qarshi umuman samara bermaydi, lekin ko’pincha xalq orasida shamollash yoki gripp almatlari kuzatilganda shifokor ko’rsatmasisiz antibiotiklarni qabul qilish keng tarqalgan. Antibiotiklarni viruslarga qarshi qabul qilish nafaqat samara bermaydi, balki bakteriyalarning antibiotiklarga qarshiligini oshiradi.

Grippning asoratlari

Gripp virusi nafas yo’llari epitelial hujayralariga ta’sir qilganligi bois kasallikning asoratlari natijasida bakterial kasalliklar, jumladan bronxit, pnevmoniya, otit, gaymorit yoki boshqa sinus yallig’lanishlariga olib kelishi ehtimoli bor. Jiddiy bakterial asoratlarga — meningit, miya qobig’ining yallig’lanishi misol bo’la oladi. Gripp, shuningdek, bemorda mavjud surunkali kasalliklarni kuchaytirishi mumkin.

Grippni oldini olish va profilaktik choralarni qo’llash

Grippning oldini olishning uchun eng samarali yo’li — o’z immun tizimini butun yil davomida yaxshi holatda saqlash hisoblanadi. Immunitetni mustahkamlashning turli yo’llari bor, bular o’z ichiga oladi:

  • Tanani chiniqtirish;
  • Faol hayot tarzi;
  • To’g’ri va muvozanatli oziqlanish;

Boshqa asosiy tibbiy usul bu emlash bo’ladi. Vaktsinatsiya gripp mavsumi boshlanishidan 2-3 oy oldin (odatda oktyabr-noyabr oylarida) virus muayyan turiga (shtamm) qilinadi. Vaksinatsiya qancha ko’p virus shtammlariga qarshi bo’lsa va qanchalik ko’p kishiga qilinsa, shuncha samarali hisoblanadi. Bunday holda, bu aholining katta ijtimoiy guruhlarini himoya qilishga imkon beradi. Shuningdek, epidemiya davrlarida profilaktik chora-tadbir tarzida antivirus preparatlardan foydalanish tavsiya etiladi. Gigiyena qoidalariga rioya qilish, kasallangan odamlardan yiroq yurish, maxsus niqoblar taqish, oila a’zolari kasallanganda tozalikka e’tibor qilish va xonani tez-tez shamollatish kasallanish ehtimolini kamaytiradi

Ссылка на основную публикацию
Adblock detector